籠太子點心專門店 (已結業)

中午做完嘢未返公司前，和同事一齊去食午飯，路過利園山道想起呢間點心店，貪佢無加一，茶錢平，所以就行咗落去。蝦餃皇兩粒  $15外皮比較白淨，煙韌，好似有少少肥嘅感覺，味道ok。前蝦膠釀茄子  $22釀魚肉嘅就食得多，呢度用蝦膠，煎完後加豉汁，蝦膠彈牙，茄子柔軟，味道唔錯。藥膳雞腳  $24雞腳好腍，吸曬藥材嘅味道，D湯好正。雪山叉燒包 $23 外皮唔夠脆身，D叉燒餡乾咗少少，嘛嘛地。海皇芝士千絲卷  $26比較油膩，裏面芝士唔係太多，蝦size 唔大，味道還可以，但個千絲卷真係好脆。鹹魚肉餅飯  $30豬肉唔係挅得好碎，比較大粒，鹹魚味道唔係好突出，比較實肉，面D飯偏硬，下面軟熟返少少。