影片
更多
2023-08-28
549 瀏覽
有日👦🏻喺希慎陪👧🏽行完佢最愛嘅Line Friends Pop-up Store，一出門口轉左，就俾Lifetastic嘅🍰甜品櫃吸引咗侍應帶咗我哋去對面嘅開揚啲嘅用餐區，整體深藍色色調同正鋪互相呼應，亦同商場淺色明亮嘅環境形成對比，令人一眼就認得出係餐廳嘅區域侍應貼心提醒甜品櫃嘅蛋糕數量有限，有需要可以提前落單hold起📝，避免食完正餐後心儀嘅蛋糕售罄一個主菜加$15就可以加個是日餐湯，是日係甘荀湯，湯身濃郁重甘荀香，足料不俗👍🏻前菜叫咗個牛油果大蝦芝士焗大啡菇，大蝦嘅爽脆、牛油果蓉嘅綿密再加上大啡菇組成豐富嘅口感，值得推介❤️Main方面，食肉獸👦🏻叫咗個炭燒澳洲穀飼黑安格斯封門柳，熟度揀咗Medium。牛肉肉質比想像中鬆軟，外層燒得香口，肉汁豐富，同時封門柳肉味濃嘅特性亦都體現到出嚟。除咗伴碟嘅蔬菜外，封門柳底仲有薯蓉🥔但調味較清淡。總括而言，呢個主菜十分驚艷。明太子軟殼蟹意粉，一上台就見炸到金黃嘅軟殼蟹🦀軟殼蟹同明太子嘅鹹香，調味適中兼掛汁嘅意粉，十分開胃。👧🏽覺得意粉稍生，若然再腍多少就完美，但👦🏻就好鍾意呢種煙靭嘅口感。飲品方面，叫咗杯🥭芒果熱情果西柚紅茶，果味豐富、清甜，
侍應帶咗我哋去對面嘅開揚啲嘅用餐區，整體深藍色色調同正鋪互相呼應，亦同商場淺色明亮嘅環境形成對比，令人一眼就認得出係餐廳嘅區域
侍應貼心提醒甜品櫃嘅蛋糕數量有限，有需要可以提前落單hold起📝，避免食完正餐後心儀嘅蛋糕售罄
一個主菜加$15就可以加個是日餐湯，是日係甘荀湯，湯身濃郁重甘荀香，足料不俗👍🏻
前菜叫咗個牛油果大蝦芝士焗大啡菇，大蝦嘅爽脆、牛油果蓉嘅綿密再加上大啡菇組成豐富嘅口感，值得推介❤️
炭燒澳洲穀飼黑安格斯封門柳
11 瀏覽
0 讚好
0 留言
Main方面，食肉獸👦🏻叫咗個炭燒澳洲穀飼黑安格斯封門柳，熟度揀咗Medium。牛肉肉質比想像中鬆軟，外層燒得香口，肉汁豐富，同時封門柳肉味濃嘅特性亦都體現到出嚟。除咗伴碟嘅蔬菜外，封門柳底仲有薯蓉🥔但調味較清淡。總括而言，呢個主菜十分驚艷。
明太子軟殼蟹意粉
3 瀏覽
0 讚好
0 留言
明太子軟殼蟹意粉，一上台就見炸到金黃嘅軟殼蟹🦀軟殼蟹同明太子嘅鹹香，調味適中兼掛汁嘅意粉，十分開胃。👧🏽覺得意粉稍生，若然再腍多少就完美，但👦🏻就好鍾意呢種煙靭嘅口感。
飲品方面，叫咗杯🥭芒果熱情果西柚紅茶，果味豐富、清甜，熱情果味較突出，成杯飲品十分清新。
另一杯Lemonade Shakerato，入口較重🍋檸檬梳打，過後就飲到較啖嘅咖啡味，整體偏酸少少，較適合唔鍾意飲太甜飲品嘅人選擇。
最期待嘅重頭戲—🍰嚟啦，黑芝麻麻糬蛋糕，由黑芝麻忌廉、日本蜜豆做Topping，加上竹炭海綿蛋糕包住黑芝麻忌廉同糊狀嘅麻糬。食落好香芝麻味，甜度適中，加上麻糬令到口感煙韌咗，係出色嘅蛋糕。
招牌🍉草莓西瓜蛋糕，其實除咗士多啤梨同西瓜之外，玫瑰都佔一定比重。最頂係玫瑰花瓣🌹，跟住係包住士多啤梨嘅洛神花啫喱，跟住係玫瑰忌廉同新鮮西瓜，最底係杏仁餅底。洛神花啫喱士多啤梨偏酸，西瓜嘅甜可以中和返，再加埋忌廉同脆脆嘅杏仁餅底，口感豐富，不過嗜甜嘅👦🏻就覺得呢個蛋糕酸咗啲。
單點主餐牌食物，即可以半價享用飲品和甜品✨
總結係呢餐環境同食物都唔錯，價錢喺大商場嚟講亦唔算偏貴，食物質素亦頗高，可以再回頭。
張貼
