黑瀧板蕎麥專門店 (已結業)

最近比幾個風搞到我超冇癮, 原本班朋友約好晒同我慶祝生日, 但一個八號風球將所有約會取消, 被困在家不能出外。5點幾落波後第一時間出街Shopping, 行完Sogo後, 再行去World Trade, 續層行到上四楼見到一間裝修頗有特式的餐廳”黑瀧板蕎麥專門店”, 見都好耐冇食過蕎麥麫, 决定入去醫肚。D裝修真係好Special, 好有日本feel。餐牌D選擇琳瑯满目, 正當唔知選邊樣之際, 職員説京都和牛做緊Promotion, 見到個特選一人前套餐都有好多嘢食, 包括牛油果炸蝦沙律, 雜錦刺身, 燒鰻魚配炸魷魚圈, 黄梅燴京都和牛鍋巴, 白飯麵豉湯, 我唯有放棄食蕎麥麫, Order咗個京都和牛雅特選一人前同自己慶祝啦!牛油果&沙律菜及雜錦刺身食材新鮮, 感覺好清新, 燒鰻魚也很鮮甜, 但炸蝦就略嫌唔夠脆及炸粉太厚主角是黄梅燴京都和牛鍋巴, 黃梅是杏脯, 又從來冇諗過黄梅配上和牛是咁討好, 和牛肉質鬆軟, 入口即溶, 餐廳提供埋個爐興住, 用鍋巴一口一口點着甜甜的黃梅汁食, 不覺的成個鍋擦晒, 碗飯就冇辦法完成。呢個一人前份量好足, 食完唯有畀藉口自己再去Shopping行吓消化