影片
更多
2023-09-15
938 瀏覽
Goobne Chicken 最近唔知係咪睇得多韓綜所以特別想食韓國炸雞，就約咗朋友去食聽落好似健康啲嘅烤雞。佢OpenRice 唔係間間分店可以book，所以最後就去左銅鑼灣分店食。Goobne 原味烤雞+蜜糖香滑烤雞 $248叫左個雙併既烤雞，每一份會另外配一碗醃蘿蔔同兩款醬。先講啲雞，烤出黎嘅皮唔算話好脆，但係好香，雞肉亦都唔乾，原味就會食得出有炒過嘅香料味，但唔算太重。蜜糖味就係甜甜地，有啲似蜜糖芥末嘅味道，兩者相比下蜜糖烤雞顯得出色好多。同埋其實兩款味都唔太需要點醬就已經好夠味😋炸醬炒年糕 $145碟野係有太陽蛋、魚餅、年糕同麵，佢就係好典型嘅炸醬麵味道，有少少甜甜鹹鹹咁，如果大家有食過農心嗰啲炸醬麵的話，隻味幾乎係一模一樣。而年糕係偏向有咬口，其他都係正常發揮。鐵板海鮮煎餅 $125個海鮮煎餅有唔少嘅魷魚，但係夾起煎餅落自己碟嘅時候，啲魷魚就會成粒咁跌落嚟，但係煎餅就唔應該發生咁嘅情況，魷魚係應該要同啲粉漿痴實至係。同埋好明顯佢個煎餅亦都唔夠脆口，個口感就同味道就好似就咁食粉漿咁，點左個汁先叫放得下入口。Overall: CP值偏低同定價都真係有啲貴。雖然佢比起其他炸雞舖唔
最近唔知係咪睇得多韓綜所以特別想食韓國炸雞，就約咗朋友去食聽落好似健康啲嘅烤雞。佢OpenRice 唔係間間分店可以book，所以最後就去左銅鑼灣分店食。
Goobne 原味烤雞+蜜糖香滑烤雞 $248
叫左個雙併既烤雞，每一份會另外配一碗醃蘿蔔同兩款醬。先講啲雞，烤出黎嘅皮唔算話好脆，但係好香，雞肉亦都唔乾，原味就會食得出有炒過嘅香料味，但唔算太重。蜜糖味就係甜甜地，有啲似蜜糖芥末嘅味道，兩者相比下蜜糖烤雞顯得出色好多。同埋其實兩款味都唔太需要點醬就已經好夠味😋
炸醬炒年糕 $145
碟野係有太陽蛋、魚餅、年糕同麵，佢就係好典型嘅炸醬麵味道，有少少甜甜鹹鹹咁，如果大家有食過農心嗰啲炸醬麵的話，隻味幾乎係一模一樣。而年糕係偏向有咬口，其他都係正常發揮。
鐵板海鮮煎餅 $125
個海鮮煎餅有唔少嘅魷魚，但係夾起煎餅落自己碟嘅時候，啲魷魚就會成粒咁跌落嚟，但係煎餅就唔應該發生咁嘅情況，魷魚係應該要同啲粉漿痴實至係。同埋好明顯佢個煎餅亦都唔夠脆口，個口感就同味道就好似就咁食粉漿咁，點左個汁先叫放得下入口。
Overall: CP值偏低同定價都真係有啲貴。雖然佢比起其他炸雞舖唔同，佢主打嘅係烤雞，但係食物質素同價錢就唔成正比，佢不論係烤雞定其他野食嘅定價亦都比較高。雖然坐落都幾舒服，但上菜略嫌有啲慢。
味道:🌕🌕🌑🌑🌑
環境:🌕🌕🌕🌗🌑
分量:🌕🌕🌕🌑🌑
服務:🌕🌕🌕🌑🌑
CP值:🌕🌕🌑🌑🌑
Overall: shit💩
加一服務費：✅
Goobne Chicken
有訂位服務:
銅鑼灣登龍街18號V Point 25樓
尖沙咀赫德道4號The Hart 2樓
旺角彌敦道628號瓊華中心15樓
中環威靈頓街2-8號威靈頓廣場M88 5樓
沒有訂位服務:
荃灣楊屋道1號荃新天地地下G29號舖
東涌達東路20號東薈城名店倉7樓701號舖
將軍澳唐賢街19號天晉匯II期1樓119A號舖
屯門屯隆街2號屯門時代廣場北翼1樓45-46號舖
#dog銅鑼灣 #dog尖沙咀 #dog旺角 #dog中環 #dog荃灣 #dog東涌 #dog將軍澳 #dog屯門
張貼
