影片
更多
2015-07-09
16839 瀏覽
其實呢餐係發生係一個月前，不過而家先寫食評，所以細節會有Ｄ記得唔太清楚。而呢間野我係第一次食。一入門口就見到有望到維港海景既位，可惜已經俾人坐左，我冇得要求。侍應最後根據門口職員既指示帶左我地去好入，係正熟食對面既座位，不過地方幾大，唔會枱逼枱。行既途中會經過雪糕對面既Sofa位，我覺得呢Ｄ Sofa位太近走廊，有好多人經過，如果下次黎我應該會先表明要求唔想坐呢到既Sofa位。食物方面首先講刺身。刺身基本上持續地都有四至六人排隊，但條隊其實去得都幾快，唔駛話要等好耐。我見到有告示寫每人每次最多限取唔知三定四款。供應款式我只記得有蛋、三文魚、蟹柳、甜蝦，應該仲有其他款。每款佢會比三片你。刺身覺得幾新鮮，冇雪味，但食落去感覺到幾冰凍，肉既中間好似有D冰水咁，我唔知咁係好定唔好了，可能解凍得唔夠？但整體黎講係好好。係刺身旁會見到一大堆長腳蟹，不過不失吧，有一Ｄ似浸了鹽水既鹹味提提大家平日午市自助餐冇生蠔，和牛，鮑魚等等貴價食物的。然後講下熟食。熟食係有好多款，但我只記得咕嚕肉、煎餃子、咖哩魚蛋、咖哩魚、白飯、意粉、Pizza，燒牛肉，而燒牛肉要叫廚師切比你。另外仲有四款點心，分別係燒賣、干蒸
食物方面首先講刺身。刺身基本上持續地都有四至六人排隊，但條隊其實去得都幾快，唔駛話要等好耐。我見到有告示寫每人每次最多限取唔知三定四款。供應款式我只記得有蛋、三文魚、蟹柳、甜蝦，應該仲有其他款。每款佢會比三片你。刺身覺得幾新鮮，冇雪味，但食落去感覺到幾冰凍，肉既中間好似有D冰水咁，我唔知咁係好定唔好了，可能解凍得唔夠？但整體黎講係好好。
係刺身旁會見到一大堆長腳蟹，不過不失吧，有一Ｄ似浸了鹽水既鹹味
提提大家平日午市自助餐冇生蠔，和牛，鮑魚等等貴價食物的。
然後講下熟食。熟食係有好多款，但我只記得咕嚕肉、煎餃子、咖哩魚蛋、咖哩魚、白飯、意粉、Pizza，燒牛肉，而燒牛肉要叫廚師切比你。另外仲有四款點心，分別係燒賣、干蒸牛肉，叉燒包同粉果。熟食整體黎講其實唔錯，而咖哩魚出奇地好味，如果我唔係食自助餐真係想裝一大碗白飯撈汁食。
甜品方面，到一點三就會有心太軟出爐，我建議大家要留肚試，真係幾好味，朱古力味濃，外脆內軟。如果你自己純粹想食心太軟而唔需要師傅寫字落隻碟到，你可以就咁拎一碟冇寫字既心太軟走。另外亦有雪糕供應，不過要職員幫你拎。口味好似有十種左右，我記得既有椰子、薄荷朱古力、雲呢拿、士多啤梨等等。味道可以，不過我食唔出係邊隻牌子。去番門口旁邊既甜品bar，有好多款甜品，但最搶眼既莫過於3.6牛乳布丁，此布丁夠幼滑，重牛乳味，我前後食左三樽。
此外仲有幾款芝士同一大堆沙律汁，菜，但係我已經冇乜胃口試了。
最後講飲品，係芝士區旁有咖啡機同埋熱、凍紅茶及檸檬任你添，紅茶我估都係用某茶包開，味道可以接受。
服務方面，由與接待處職員溝通到每次收碟，再埋單，每一個職員態度都好好，係到要讚一下。
題外話/補充資料：
我訂位之前睇Openrice所示，午市自助餐用任何信用卡找數就有四人同行，一人免費優惠，但睇番張單先知原來免費果個會收原價加一(即$19.8)，算了，計落都係抵。當日價錢原價為每人$198，未加一。
衛生方面我覺得冇問題，洗手間又乾淨，只不過洗手間同出面既溫差都幾大下。
(以上食評乃用戶個人意見 , 並不代表OpenRice之觀點。)
張貼