影片
更多
4天前
0 瀏覽
早排聽個朋友講話希雲街同加路連山道嗰頭都有好多新開舖頭行吓，所以就去咗附近。行到咁上下就搵嘢醫肚朋友話想食啲健康啲嘅食物，咁啱附近又見到Poking，係一間主打健康食品嘅餐廳，所以就入去試吓啦。朋友叫咗個Thai good day，係有少少泰式風味嘅poking Bowl。一嚟到上面就已經鋪滿咗雞扒同蝦，隔離有啲甘筍絲同中華沙律，配上少少菠蘿。個雞扒係慢煮雞，雞肉仍然保持嫩滑，配上佢泰式風味嘅醬，完全唔覺得係食緊一啲冇味嘅健康餐。蝦仁亦都十分爽口。而甘筍絲同埋中華沙律就係成個飯帶來一啲清爽嘅口感，配埋糙米飯同生菜，就係一個食完都冇罪惡感嘅美味晚餐。出面天氣咁凍，所以我就決定揀個熱食，叫咗蒲燒鰻魚拼雞扒糙米飯。我仲追加咗椰子蜆湯同埋秘製牛腱肉同朋友分享。個椰子蜆湯好鮮甜，有成六七隻蜆，配上啲椰子絲，係一個十分暖胃嘅選擇。過咗一陣個糙米飯都嚟咗，賣相好靚，個飯完全比鰻魚同埋照燒雞牌遮住，而另外亦都有一格仔有炒雜菜同埋一粒玉子燒，平衡到纖維，蛋白質同碳水化合物嘅組合。個菜有菇，豆，蓮藕等等，加上胡椒翻炒，調味充足。如果鰻魚同雞嚟到嘅時候都熱辣辣，鰻魚好香口，唔會有骨。而照燒汁配上雞，亦都係一
朋友叫咗個Thai good day，係有少少泰式風味嘅poking Bowl。一嚟到上面就已經鋪滿咗雞扒同蝦，隔離有啲甘筍絲同中華沙律，配上少少菠蘿。個雞扒係慢煮雞，雞肉仍然保持嫩滑，配上佢泰式風味嘅醬，完全唔覺得係食緊一啲冇味嘅健康餐。蝦仁亦都十分爽口。而甘筍絲同埋中華沙律就係成個飯帶來一啲清爽嘅口感，配埋糙米飯同生菜，就係一個食完都冇罪惡感嘅美味晚餐。
出面天氣咁凍，所以我就決定揀個熱食，叫咗蒲燒鰻魚拼雞扒糙米飯。我仲追加咗椰子蜆湯同埋秘製牛腱肉同朋友分享。個椰子蜆湯好鮮甜，有成六七隻蜆，配上啲椰子絲，係一個十分暖胃嘅選擇。過咗一陣個糙米飯都嚟咗，賣相好靚，個飯完全比鰻魚同埋照燒雞牌遮住，而另外亦都有一格仔有炒雜菜同埋一粒玉子燒，平衡到纖維，蛋白質同碳水化合物嘅組合。
個菜有菇，豆，蓮藕等等，加上胡椒翻炒，調味充足。如果鰻魚同雞嚟到嘅時候都熱辣辣，鰻魚好香口，唔會有骨。而照燒汁配上雞，亦都係一個絕配，份量好足。而額外加嘅牛腱肉真係必加嘅選項，牛腱肉食落係有少少日式風味嘅感覺，肉味重得來又唔會好韌，有少少嚼口又唔會散晒，十個讚！
朋友最後亦都叫咗一個蜜糖穀麥脆脆希臘乳酪做甜品收尾。雖然配料只有簡單嘅蜜糖同穀麥脆脆，但係都不失為一個唔錯嘅甜品。
真係食到好飽，但係完全唔驚，因為係一個健康餐毫無罪惡感。下次一定會再食！
張貼
