影片
更多
2022-12-09
964 瀏覽
食物份量嗰方面我先唔講因為呢啲真係因人而異，雖然佢啲份量少到幾啖就可以食完☺️最主要想批評佢嘅服務態度，唔明點解可以差到咁嘅地步，我去茶餐廳或者任何一間小店都好過佢。首先由落單開始講啦，佢哋前前後後落錯咗三次單，頭盤已經嚟咗一樣我哋完全冇嗌過嘅嘢，之後又落漏咗兩樣嘢，除咗上錯嘢仲要落漏嘢，仲要喺佢有覆單嘅情況下都落錯。其次就係講佢最有問題嘅服務態度，第一樣嘢我哋坐戶外位置，凍呢樣野我哋都預咗，但係佢隔離有三個可以點火嘅暖爐，想叫佢開但係佢同我講兩個都壞咗，好啦都唔緊要，我哋打住冷震咁樣食，然而隔離兩台佢哋都有主動問同送上圍巾，完全忽視左我哋，呢樣先係我哋最嬲嘅嘢。第二樣就係斟水，佢幫我哋斟水嘅時候，有個杯擺喺入邊佢唔方便攞，跟住叫我哋幫佢攞，呢樣嘢係絕對冇問題，問題出於佢態度個方便，咩叫做你攞個杯出嚟？最基本係咪應該要用一個有禮貌嘅語氣問我哋攞個杯出嚟。第三個問題就係上生日蛋糕嗰度啦，我哋四個人，餐具佢就識得俾4份，碟就俾得一個，仲要刀唔俾，你俾返我自己帶嚟嗰支膠刀（喺個盒裏面）我都冇咁嬲。呢個應該係我見識過最差服務態度嘅餐廳，佢間餐廳要收服務費，但係我完全感受唔到佢嘅服務。亦都唔明點解
首先由落單開始講啦，佢哋前前後後落錯咗三次單，頭盤已經嚟咗一樣我哋完全冇嗌過嘅嘢，之後又落漏咗兩樣嘢，除咗上錯嘢仲要落漏嘢，仲要喺佢有覆單嘅情況下都落錯。
其次就係講佢最有問題嘅服務態度，第一樣嘢我哋坐戶外位置，凍呢樣野我哋都預咗，但係佢隔離有三個可以點火嘅暖爐，想叫佢開但係佢同我講兩個都壞咗，好啦都唔緊要，我哋打住冷震咁樣食，然而隔離兩台佢哋都有主動問同送上圍巾，完全忽視左我哋，呢樣先係我哋最嬲嘅嘢。
第二樣就係斟水，佢幫我哋斟水嘅時候，有個杯擺喺入邊佢唔方便攞，跟住叫我哋幫佢攞，呢樣嘢係絕對冇問題，問題出於佢態度個方便，咩叫做你攞個杯出嚟？最基本係咪應該要用一個有禮貌嘅語氣問我哋攞個杯出嚟。
第三個問題就係上生日蛋糕嗰度啦，我哋四個人，餐具佢就識得俾4份，碟就俾得一個，仲要刀唔俾，你俾返我自己帶嚟嗰支膠刀（喺個盒裏面）我都冇咁嬲。
呢個應該係我見識過最差服務態度嘅餐廳，佢間餐廳要收服務費，但係我完全感受唔到佢嘅服務。亦都唔明點解可以同隔籬枱有差咁多嘅服務待遇，我哋自問態度好好落單嗰啲都有講唔該，即使落錯單我哋都好客氣咁樣講返。可能因為佢哋覺得我哋係妹妹仔所以態度咁怠慢，對其他台嘅客人就非常客套同有禮貌，仲要嗰日係我朋友生日我哋受到啲咁嘅待遇覺得非常無奈同不能理解😊😊😊
張貼