十二味貴陽牛肉粉 (已結業)

今次是我第二次吃牛肉粉，上一次因為病了所以吃不出味道來，隔了兩個月，店內也沒有太大改變。小食依舊仍是只有一款，不過就新出了銷魂涼麵及絕味卷粉。看似很辣很吸引，但配料較少，所以另外加了幾款餸。全家福牛肉粉 (清湯) $98材料豐富，除左粉夠多，仲有鹵豆腐，鹵蛋，牛肉粒，牛肉片，牛筋，牛𦟌，全部嚟一個大雜匯。湯底雖然揀左清湯，但係味道清得嚟都帶點濃厚既味，絕對歸功於配料(蔥、蒜、芫茜、麻辣)既發揮。粉非常滑口，牛肉粒肉感重，牛肉片爽口，牛𦟌腍身，反而鹵蛋有少少奇怪，被牛肉粉既味道蓋過左本身既鹵味，不過整體湯底取勝。銷魂涼麵 $42見呢個係新產品於是試下，雖然只係揀左小辣，但係其麻辣味已經稍稍突出，不過對於食得辣既老公，佢話越食越開胃。涼麵之中，又加左牛肉片$18、牛肚$18、牛肉丁$18 三樣餸，對於麻辣既味道，三牛就十分配合。涼麵既麵身食起上嚟可能會唔習慣，因為比起平時食開既，略為硬身，但整體都唔錯，夏天食涼麵非常合適。食完會有少少口喝，因為湯底比較濃味，看似淆了很久，正宗的貴陽風味應該就是這樣。