81手工餃子

營業中

休息中

平時成日經過雞地，都見到呢間81手工餃子，其實門面同入邊嘅裝修都唔多討好，所以一直咁多年來都冇試過。咁啱我尋日經過又好想食餃子，就決定俾啲勇氣去試吓啦！我嗌咗個雜錦拼盤A餐，入邊有白菜、椰菜、韭菜同埋芹菜，我揀咗湯餃子。另外再配多個小食係酸辣土豆絲。雜錦餃子A餐：湯底有嚿淮山，好入味都幾甜，跟住就試吓啲餃子，啲餃子非常大粒，韭菜味道正常發揮，不得不提嘅係佢嘅椰菜白菜同芹菜，香甜又多餡，非常出色，我覺得佢哋嘅餃子比起其他嘅餃子店都好味道。而小食嘅酸辣土豆絲味道就正常，冇話特別難食，又特別好食。下次試埋煎餃先。