The Grill Room (The L. Square) (已搬遷) 新店位置

環境5分：正常樓上西餐廳格局，一邊係個廚房，大堂好開放，高櫈雲石枱好型，燈光柔和，好自在，可以畀滿分。衛生5分：一目了然，地方包括廁所都非常之乾淨，衛生一樣畀滿分。服務5分：服務一流，態度殷勤，斟水斟得快，細心解釋個menu同分析點煮法最好食，都係滿分。味道5分：1)     香草燒美國12安士牛柳配黑松露薯蓉及烤蔬菜需時製作，個薯蓉好滑。牛扒一開二，厚切都咁軟淋，肉味香濃。 2)     半份香草燒羊架配烤蔬菜都有四件羊，切得都幾厚身，非常juicy，一Ｄ蘇味都冇，配埋個薄荷啫喱好夾，配菜蒜頭好香好野味。抵食5分：網上訂枱有折頭打，兩百幾蚊有靚扒食，非常超值，一定畀滿分。