薩莉亞意式餐廳 (蝴蝶廣場)

營業中

休息中

月尾出糧，梗係要食番餐好嘅，一放於去鋸個扒。薩莉亞都有鐵板牛扒食，就係貪佢平 叫咗個蒜蓉漢堡扒餐，成塊漢堡扒面都鋪滿蒜頭同洋蔥，我就覺得有啲誇張，我雖然都食蒜頭洋蔥但係就唔係對佢哋情有獨鐘嘅，仲要係好多油，覺得完全遮蓋咗漢堡扒嘅味道，漢堡扒好淋，淋到一個點，食起上嚟唔係好有肉味。煎太陽蛋嘅太陽蛋煎到好硬，差唔多係熟曬咁濟，薯角都煎到乾曬，嗰啲粟米粒一食就知道係好新鮮罐頭貨，不過都係好乾 。個鐵板配一個汁嘅，我唔知嗰個係乜嘢汁，味道好咸。除咗平之外，冇乜特別之處。