影片
更多
2007-02-28
8 瀏覽
一直很喜歡吃牛扒。所以藉機吃一頓從照片看起來很好吃, 但對我而言是好貴下的牛扒。來到這裡, 先有侍應自我介紹, 再介紹餐牌內的招牌牛扒套餐。我跟朋友二人皆吃了10oz的lawry's cut。先上的是轉轉salad, 感覺是花樣大於實際。作為濃味醬汁, 此沙律醬稍淡, 之不過點都稱唔上"清新口味", 猶幸生菜新鮮, 紅菜頭味道可口。沙律特製pepper實為搞xx之作, 同普通的黑椒分別不大。lawry's cut很大件。朋友要了medium 我要了medium rare。作為一件rib, 肉質叫過得去架喇, 起碼唔會像shooters 52般, 弄得像牛腩。肥羔部分剛好, 不太多也不太少。淋在牛扒面的汁比在薯茸上的gravy更配牛扒本身, 不過本人就最鍾意伴table salt吃。眾多配菜中, 以青豆最出色, 粒粒青綠飽滿, 入口爽甜; 菠菜及corn都太油了, 吃都吃不完, mashed potato更是死實實, 用來掟人就差唔多。這客牛扒, 是幾經辛苦才吃得完, 對牛迷而言, 10oz是最能滿足口慾的分量。yorkshire pudding似烘燶麵包, 完全提不起興趣去吃。送的美心
來到這裡, 先有侍應自我介紹, 再介紹餐牌內的招牌牛扒套餐。我跟朋友二人皆吃了10oz的lawry's cut。先上的是轉轉salad, 感覺是花樣大於實際。作為濃味醬汁, 此沙律醬稍淡, 之不過點都稱唔上"清新口味", 猶幸生菜新鮮, 紅菜頭味道可口。沙律特製pepper實為搞xx之作, 同普通的黑椒分別不大。
lawry's cut很大件。朋友要了medium 我要了medium rare。作為一件rib, 肉質叫過得去架喇, 起碼唔會像shooters 52般, 弄得像牛腩。肥羔部分剛好, 不太多也不太少。淋在牛扒面的汁比在薯茸上的gravy更配牛扒本身, 不過本人就最鍾意伴table salt吃。眾多配菜中, 以青豆最出色, 粒粒青綠飽滿, 入口爽甜; 菠菜及corn都太油了, 吃都吃不完, mashed potato更是死實實, 用來掟人就差唔多。這客牛扒, 是幾經辛苦才吃得完, 對牛迷而言, 10oz是最能滿足口慾的分量。
yorkshire pudding似烘燶麵包, 完全提不起興趣去吃。
送的美心西餅味道窄窄地, order的火焰雪山味道更窄, 不要考慮在這裡吃甜品。
環境只是一般般, 最欣賞是洗手間的乾淨。
沙律中有頭髮, 當我們向侍應反映, 她很有禮貌地say sorry, 及幫我們弄過新的。不過她們一開始對牛扒的介紹太讀稿, 我朋友就聽唔明佢up乜喇。仲有, 原來果幾pat青豆粟米菠菜是要$45/pat的, 好貴好貴好唔值! 初時侍應沒表明要收錢, 仲有甜品本來她說是"送"俾我們吃的, 但點知原來係要收錢。雖然我唔了解清楚都唔怪得曬人, 不過那機械人式講解, 跟酒店質數差距一條街(可惜價錢又唔係差好多!)。
俾得千幾蚊, 大把更好選擇。
張貼