Muse Furniture Lab (裝修中)

已經第二次來訪Muse Furniture Lab，佔地面積好大，有室內同埋室外位置。室內係黑白型格英倫風，室外庭園有好大片草地，有白色大鳥籠、白色花環、沙灘椅等等打卡位。雖然地點偏遠，但係最近天氣涼快，好適合帶同寵物一齊嚟食嘢打卡～煙三文魚配奶油芝士法式可麗餅$148可麗餅係呢度嘅必點菜式之一❤️可麗餅煎到金黄色，煙三文魚鋪得好整齊，加上一啲醬汁、香草同埋食用花做裝飾，睇落好靚！可麗餅香脆又鬆軟，加上奶油芝士嘅香味，味道好濃郁。入面仲有好多菜絲再加埋中間有隻太陽蛋，整體味道好夾。蒜香蟹肉帶子意大利粉$168蒜味香濃，帶子外面煎香，中間類似刺身咁樣，味道鮮美。有食用花同埋香草做點綴外觀好吸引，意粉煮得剛剛好，軟硬適中，帶子同蟹肉都好鮮甜。宇治抹茶紅豆沙冰 $88外型好吸睛👀抹茶同甜蜜蜜嘅紅豆味道簡直係絕配，清涼解渴又唔會太甜。草莓茶草莓香味濃郁，而且係無糖㗎，口味清香怡人。