雅閑泰

營業中

休息中

朋友知我中意食泰國野，所以趁放假帶左我去錦田紅磚屋旁邊既雅閑泰試下啦。間餐廳好方便，只需要搭西鐵係錦上路站落車行一陣就到，而且仲可以順便行下附近既跳虱市場。裝修方面餐廳好闊落，係一間充滿泰式風情既獨立屋，而且仲有個小花園添，感覺真係好Chill。野食方面份量都幾大，味道亦都相當唔錯，以下係特別推介:🌟 明爐鮮魷有超級多鮮魷 粉絲等，鮮魷新鮮肥美口感嫩滑而且配酸酸地既青檸加泰式醬, 泰式香料充分滲透落鮮魷同粉絲度真係好好食同非常開胃，必點!🌟 黃咖喱牛筋腩黃咖喱唔係太辣，充滿椰香味，味道濃郁，大人細路都岩食。牛筋腩肉質軟嫩，另外咖喱入面既配料都唔小喎，有好多薯仔同蔬菜，有驚喜!