千鍋居 (已結業)

原先諗住食卧龍莊，去到樓下見到得1個門口，寫住1樓係千鍋居，2樓卧龍莊，睇極都係得1條樓梯上落，由於知道2間係姊妹店，所以心大心細咁上去睇下。上到去問樓面卧龍莊點上去，佢話樓上冇開，廚房係哂度，食嘅嘢係一樣架。聽佢咁講，我哋選擇坐低。可惜呢個時候，冇人會為你帶位，冇人招呼你，個個睇你唔到咁，自己唯有死死地氣搵張枱，感覺超唔好坐低見只放午市，就問樓面攞主餐牌，等咗一陣先攞到嚟，睇完揮咗好耐手再等咗一陣先有人嚟落單，唉！我哋叫咗虎皮尖椒，香辣雞雜煲，水煮牛肉，擔擔麵同一杯荔枝沙冰！虎皮尖椒不過不失，應該係話出錯機會最低嘅菜式！香辣雞雜煲，錯咗唔香又唔辣， 只有雞雜腥味，雞雜完全冇腌，整個煲係一個錯誤水煮牛肉又係錯嘅， 牛肉又係冇味，而且口感好鞋好柴，我都冇話走麻走辣，點解會又唔麻又唔辣架，最奇怪係我又見有花椒同辣椒架喎，唉！擔擔麵估佢唔到咁大碗，同水煮牛嘅size 差唔多，呢個麵有落宜賓芽菜，有麻醬味，算pass.呢個沙冰好難handle, 就咁飲又怕飲哂啲荔枝汁之後得返座冰山，隊冧佢又怕成枱都係，我知沙冰唔值錢，都唔駛咁掛最終，我哋冇一樣嘢食得哂，沙冰飲咗一半都冇。 如果好似個樓面咁講卧