影片
更多
2009-03-05
375 瀏覽
以前有間食開O既川菜無左之後, 一直都想搵返間好食O既同朋友挑戰自己睇左哩到O既食評都幾好, 問過朋友評語都唔錯, 於是就約左一班辣人一齊去試新野當日店主打黎CONFIRM我地係咪直係到, 佢話都好FULL, 如果我地NO SHOW佢就畀枱其它人當時心諗咁多人去食, 水準應該有返咁上下, 睇黎無揀錯因為遲左少少到, 去到果時朋友已經點哂菜仲已經食緊頭盤食物如下:1) 口水雞 - 斬得太碎, 一路食淨係食到皮同骨, 仲有D肉碎, 唔辣, 唔香2) 夫妻肺片 - 切得幾好, OK香口, 因為佢有少少香蒜, 但係都係唔辣3) 蒜泥白肉 - D肉滑滑的, 感覺唔錯, 食到少少蒜香, 但....同樣係食唔到辣4) 四川涼麵 - 油浸的, 畀我個感覺係用辣油浸住D麵, 見到之前D食評話D麵好彈, 我真係唔係好覺, 雖然佢係用辣油浸住, 但同樣....係唔辣的5) 水煮魚 - 第一度上O既熱葷, 賣相唔錯, 上枱時仲滾緊, 但係佢唔知用咩魚做, 雖然都滑, 但係食唔到魚味, 應該係雪藏魚, 除左魚仲有一D薯粉同埋大豆芽, 薯粉吸左花椒O既味, 食落去麻麻的都唔錯, 大豆芽唔知浸左幾耐, 完全淋哂,
睇左哩到O既食評都幾好, 問過朋友評語都唔錯, 於是就約左一班辣人一齊去試新野
當日店主打黎CONFIRM我地係咪直係到, 佢話都好FULL, 如果我地NO SHOW佢就畀枱其它人
當時心諗咁多人去食, 水準應該有返咁上下, 睇黎無揀錯
因為遲左少少到, 去到果時朋友已經點哂菜仲已經食緊頭盤
食物如下:
1) 口水雞 - 斬得太碎, 一路食淨係食到皮同骨, 仲有D肉碎, 唔辣, 唔香
2) 夫妻肺片 - 切得幾好, OK香口, 因為佢有少少香蒜, 但係都係唔辣
3) 蒜泥白肉 - D肉滑滑的, 感覺唔錯, 食到少少蒜香, 但....同樣係食唔到辣
4) 四川涼麵 - 油浸的, 畀我個感覺係用辣油浸住D麵, 見到之前D食評話D麵好彈, 我真係唔係好覺, 雖然佢係用辣油浸住, 但同樣....係唔辣的
5) 水煮魚 - 第一度上O既熱葷, 賣相唔錯, 上枱時仲滾緊, 但係佢唔知用咩魚做, 雖然都滑, 但係食唔到魚味, 應該係雪藏魚, 除左魚仲有一D薯粉同埋大豆芽, 薯粉吸左花椒O既味, 食落去麻麻的都唔錯, 大豆芽唔知浸左幾耐, 完全淋哂, 失去口感, 雖然好多辣椒浮面, 但係我唔知佢D辣椒O既品種問題定係問題出係邊到, 唔辣的~"~
6) 毛血旺 - 同水煮魚一樣, 賣相好似好辣, 但係食落都係無乜味, 材料有X紅, 牛栢葉, 火腿, 魷魚...等等, 老闆係上哩個菜果時知道我地話唔辣, 特登話會叫廚房加辣, 但係都只係食到有少少辣味...我要O既唔係哩D囉
7) 魚香茄子 - 哩個係一個唔辣O既菜, 因為同枱有朋友唔食得辣, 所以叫左幾樣唔辣O既小菜, 不過此魚香茄子不同彼魚香茄子, 佢話落左黑醋做, 味道酸酸的, 無魚香, 個味道竟然同糖醋里脊不謀而合...
8) 糖醋里脊 - 又一個唔辣O既小菜, 味道唔錯, 不過好多地方都食到哩個水準
9) 干煸肥腸 - 唔知有無記錯名, 上枱時佢話哩個會好辣叫我地小心, 但係同樣地...係我食辣功夫增進左, 定係真係唔辣?我一D辣都食唔到, 肥腸已經炸到變脆, 已經唔知佢之前係咪真係肥, 同大排檔食O既炸大腸有異曲同工之妙, 炒埋一齊O既仲有一D疑似炸過O既大豆芽, 蒜, 薑, 同埋辣椒, 大豆芽已經謝哂皮, 薑無乜薑味, 蒜都仲算香口, 佢話好辣, 我食過幾粒辣椒, 無味的~"~
10) 西芹炒牛肉 - 另一道唔辣小菜, 全晚最好, 西芹爽脆, 牛肉有牛肉味
11) 蒜蓉油墨菜 - 老闆話係送O既, 本身我地想食娃娃菜, 但係老闆話係送O既所以無得揀, 黎到同普通食肆食到O既無乜分別, 不過不失
食完之後, 我好失望, 真係一D都唔辣, 唔係話我食得好辣, 而係真係唔辣, 全晚我食到蒜味多過辣味, 同枱有朋友唔係好食得辣, 連佢都話D餸唔辣, 咁証明唔係我味覺出現問題
食得川菜我已經預左會辣到噴火流汗狂飲野, 如果你話哩個程度就為左遷就黎食野O既人O既口味, 我會更失望
黎得哩到食都一定有心理準備, 以往我食川菜, 永遠只有叫廚房少辣, 好老實, 你叫佢少辣甚至唔辣可能更難, 因為佢唔落辣呀, 佢個鑊都辣啦
全晚畀我感覺係食物用辣油浸出黎, 辣椒疑似返用咁唔辣
我唔知當晚其它枱食客有咩感想, 但係我相信我唔會再黎, 極度失望
我食過我個人覺得好食O既川菜, 人地唔係淨係得辣椒油囉, 亦都唔係一味死辣, 辣之中食到其
它味道, 會係寧願冒住會食到一孖潤腸, 食一餐飲兩罐可樂都要食O既果D
畀好評O既朋友, 可能佢之前真係好好味, 對我黎講我畀唔落手
唯一值得一提係哩到D服務同環境, 老闆同服務生都好好, 一叫即到, 上菜都唔算太慢, 仲好細心咁問D食物啱唔啱口味, 而環境都好清潔, 冷氣充足, 個洗手間出奇地非常乾淨
張貼
