影片
更多
2017-04-11
293 瀏覽
今晚返奧海城開會，順便搵阿媽來到大同新邨附近lee間榮熙茶餐廳撐檯腳。舖頭喺大同新邨附近，門面光猛搶眼。價錢好貼地，睇得出係做街坊生意。菜式設計包羅萬有，從焗飯、意粉，鐵板燒餐，常餐，到鍋氣小炒，任君選擇。$68蚊有鐵板西冷，絕對要試啦！我見到精美小菜有黃金海中蝦～ 就算酒樓都唔係間間有！一於試試師傅功力～西洋菜南北杏煲豬骨Order小菜嘅話，建議加$10，有齊靚仔、每日精選餐湯，同埋餐茶，都只係$10～ 抵到爛。餐湯有中西兩選。一睇d西洋菜就知夠火候，揀選西施骨來煲，肉味鮮，煲完都唔會「鞋」口。雖然比唔上媽媽煲嘅西洋菜湯，但比起出面嘅味精湯，跑贏好多條街啦。黃金海中蝦經過油泡嘅大蝦，再用鹹蛋黃調製嘅醬汁爆炒、快炒，每一隻🦐都均勻蘸上鹹蛋黃醬汁，最後灑上些許芫西作點綴，金黃搶眼。吮一吮蛋黃醬，咬一啖，蝦殼脆卜卜，蝦肉結實，爽口，味香濃～ 餸一流～嗰係雪白嘅幼身米，有飯香，個人覺得軟硬適中。魚香茄子煲咪睇小一個魚香茄子煲，落鍋，火候，調味等等都需要一定嘅掌握先正，如果唔係就會太油/太鹹/冇魚香。一邊嘆Lee煲熱辣辣魚香茄子餸飯，一邊浮現出師傅放薑蔥蒜爆香，落🍆同醬料爆炒後再燜焗一下的畫面
舖頭喺大同新邨附近，門面光猛搶眼。
價錢好貼地，睇得出係做街坊生意。菜式設計包羅萬有，從焗飯、意粉，鐵板燒餐，常餐，到鍋氣小炒，任君選擇。
$68蚊有鐵板西冷，絕對要試啦！
我見到精美小菜有黃金海中蝦～ 就算酒樓都唔係間間有！一於試試師傅功力～
餐湯 - 西洋菜南北杏煲豬骨
$10
15 瀏覽
0 讚好
0 留言
Order小菜嘅話，建議加$10，有齊靚仔、每日精選餐湯，同埋餐茶，都只係$10～ 抵到爛。餐湯有中西兩選。一睇d西洋菜就知夠火候，揀選西施骨來煲，肉味鮮，煲完都唔會「鞋」口。雖然比唔上媽媽煲嘅西洋菜湯，但比起出面嘅味精湯，跑贏好多條街啦。
黃金海中蝦
$98
18 瀏覽
0 讚好
0 留言
經過油泡嘅大蝦，再用鹹蛋黃調製嘅醬汁爆炒、快炒，每一隻🦐都均勻蘸上鹹蛋黃醬汁，最後灑上些許芫西作點綴，金黃搶眼。吮一吮蛋黃醬，咬一啖，蝦殼脆卜卜，蝦肉結實，爽口，味香濃～ 餸一流～
嗰係雪白嘅幼身米，有飯香，個人覺得軟硬適中。
魚香茄子煲
$58
14 瀏覽
0 讚好
0 留言
咪睇小一個魚香茄子煲，落鍋，火候，調味等等都需要一定嘅掌握先正，如果唔係就會太油/太鹹/冇魚香。一邊嘆Lee煲熱辣辣魚香茄子餸飯，一邊浮現出師傅放薑蔥蒜爆香，落🍆同醬料爆炒後再燜焗一下的畫面。一個靚仔都差d唔夠餸飯。
鐵板特級西冷牛扒餐
$68
33 瀏覽
0 讚好
0 留言
侍應送餐過來的時候就聽到滋滋聲，肉氣撲鼻，說時遲那時快，我即刻用蒜蓉汁淋面，由於鐵板的保溫力強勁，更加吱吱作響。塊扒大過我🖐️，肉嫩沒有overcooked；向來不沾茄汁吃薯條/薯角的我，堅持原味最真，頗香脆；牛油粟米很甜，如果可以再體貼一點，刨粒上，就更好啦！
晚市期間，陸續見到一d各階層行業嘅個人客、夫婦/情侶客、一家大細入來就餐，可見客路廣闊。侍應經一定培訓，緊貼服務，大聲覆核客人落單，不時跟進客人落單進度。可見其用心經營之誠意～
在食肆林立的大角咀，如能在街坊食客心中留一席位，實屬不易，希望出品及服務能更上一層樓。下次多d人來，嗌夠$200小菜，可以用$1超筍價食貴妃雞😋
張貼
