八方雲集鍋貼水餃專門店 (已結業)

史上最強嘅一間鍋貼店，如果你住太古仲未食過，咁你仲等咩？即叫即煎，香口美味，如果你怕煎嘢熱氣，佢哋仲有水餃都一樣咁正。今日又去幫襯，佢哋有四種口味，招牌、韮菜、咖哩同泡菜，款款我都嘗過，招牌最原味，咖哩就最快買晒，唔係成曰有，泡菜就十分香口，韮菜就十分健康之選。而我嘅至愛係酸辣湯，嘩，咪講笑，材料足，酸辣合當，正宗做法用胡椒粉去帶出種辣味，我食過好多酸辣湯，好多時好是旦用辣椒醬代替胡椒，係辣，但不如去飲辣椒醬好過。佢哋仲有清淡嘅湯可以選擇，紫菜旗魚湯，粟米湯...真係了解唔同人嘅需要。仲有，個個禮貌好，真係食得開心，二十六蚊有十隻鍋貼、一碗湯，值得、值得。