萬發海鮮菜館 (已結業)

做左成四日野都無瞓, 終於下晝二點先撻落床,六點幾男友call我出旺角食飯, 但係我實在太累, 似醒又未醒, 男友建議去對面嘉豪叫餸食飯, 話未試過, 但係我堅持都係去萬發...今日係我第一次星期一黎食飯, 七點半左右, 前所未有唔使等位, 我瞓醒無耐唔肚餓, 認得我個侍應叔叔好快幫我落單, 我地只係叫左上次我食過好好味既豆豉爆雞同我男友點既勝瓜雲耳鮮魷.我唔知係唔係o岩o岩瞓醒條脷"瓜""瓜"o地, 上次食d雞好鮮甜兼惹味, 但係今次我只係食出惹味, 一d雞鮮味都無, 但係男友話正!!!成碟差唔多佢食哂!!!至於勝瓜雲耳鮮魷, 我就完完全全食得出鮮魷係唔新鮮lor, 梅既! 勝瓜就不過不失啦!雖然成日唔記得寫食評, 但係幫襯o甘耐都係第一次要彈lor, 人誰無過吖, 佢地係值得再去幫襯!!!叫左3支啤酒1個白飯埋單只係$170, 抵!!!