Holly Brown (已結業)

每次經過尖沙咀K11行過Holly Brown門口都會俾佢香濃嘅味道吸引住。我係一個可以食得好甜嘅人，所以有幾甜都可以照食。Holly brown嘅藍色雲呢拿雪糕總係比人一種高貴嘅感覺，藍色雲呢拿味同普通雲呢拿味差唔多，不過藍色雲呢拿味香濃啲。今次揀咗蜜糖星星同彩針，我覺得蜜糖星星同藍色雲呢拿雪糕好夾，加上隔離香噴噴嘅窩夫，真係叫人難以抵擋！雪糕質地唔係好厚，不過勝在香濃嘅味道搭夠。不過佢啲雪糕都唔平，加上雪糕好肥，少吃為妙！