海南少爺 (已結業)

肉骨茶偏愛馬來西亞風味，喺海南少爺呢度當然要試佢嘅肉骨茶。混合多種藥材熬製嘅濃湯，加埋啲排骨吸收哂啲湯汁，加上燉到肉質好鬆軟好入味，可以配埋油炸鬼，炸支竹再點醬油食。肉骨茶套餐我揀咗配滷味拼盤，有豆腐，雞腳，豬手，最正係嗰個溏心蛋，個蛋黃係好軟糯甜甜嘅口感，佢滷水香料味比較重，其次係甜味，稍為中和番肉骨茶嘅甘香感覺。跟住到佢哋嘅炒貴刁係炒到好有鍋氣，裡面有蝦仁臘腸雞蛋芽菜，用黑醬油炒製，有齊甜鹹鮮香的味道。