鄧媽媽過橋水餃 (已結業)

近年來葵涌廣場嘅食店餐廳 真係百花齊放你想食咩嘢都有得選擇 平嘅 貴嘅中等價錢樣樣都有 但係我鍾情嘅就係鄧媽媽 鄧媽媽一泡飯真係一絕價錢十分實惠40蚊樓下已經有一碗泡飯 我叫咗佢個海鮮泡飯 十分之足料，有蝦有魷魚 再有啲花生，炸過嘅花生呀落去香口，配埋湯飯一齊食，簡直頂呱呱 最終要鄧媽媽有質素之餘，仲講究健康， 飲曬成碗湯，都唔會覺得口渴，唔會覺得喉嚨痛，因為係冇味精 ，真係真材實料有保證 唯一缺點就係太多人食，好快吹你走，但真係冇得好講，呢個價錢， 冇得輸呀