麻辣小聚 (93WYS) (裝修中)

今日喺觀塘度做嘢，終於捱到放lunch唔知食咩嘢好，上網搵咗附近嘅餐廳，見到呢間麻辣小聚餐廳，有唔少嘅好評，又係我鍾意嘅川菜餐廳，就決定呢間啦。同同事去到餐廳，環境開陽企理，餐廳菜式選擇都有好多，我哋嗌咗山城辣子雞再加地道樟茶鴨。山城辣子雞有滿滿嘅辣椒，聞落好香乾辣椒味道，本身以為雞粒會好辣，但其實可以接受，雞粒外脆內嫩，加埋辣椒嘅味道，好惹味。地道樟茶鴨一到已經聞到好香茶菜同木頭香，份量都好多，鴨肉食落外脆內嫩，味道咸香咸香，係從未食過既煮法，感覺好清新。