影片
更多
2020-06-14
164 瀏覽
尋晚去咗通菜街嘅滾喜食任食雞煲火鍋，價錢每位$188，兩個小時任飲任食，都幾街坊價。作為牛魔王嘅我哋就升級任食高級安格斯，都只不過係$208/位。雞煲有得揀麻辣或芝士，我哋唔食得辣就揀咗芝士。芝士半溶有拉絲效果，好惹味，雞件又嫩滑，簡直係perfect match，唔夠喉仲可以免費加雞件。任飲有竹蔗茅根，真係用材料煲出嚟唔係普通支裝飲品，大熱天時打邊爐降火啱晒。食完雞煲可以加湯打爐，不過我哋就轉火鍋湯底，鴛鴦湯鍋+$38就有。揀咗【皮蛋芫茜湯】同【沙爹湯底】，我鍾意沙爹湯底，真係有濃濃沙爹味唔係得個鹹字。【高級安格斯】睇相都知好食。油花分佈均勻，淥十幾秒就食得，食落油脂豐富，肉味濃郁。最重要係叫第二碟都係維持水準，唔似有啲火鍋放題第二碟就開始「走樣」。【美國肥牛】雖然upgrade咗安格斯但都叫咗少少肥牛試吓，雖然油香冇安格斯咁重但幾肉質嫩滑，都幾唔錯喎。【海蝦】餐廳好有心，上碟時已係係剪咗蝦鬚，唔怕「條條fing」，蝦肉鮮爽，所以不停encore。【咸蛋炸魚皮】惹味鹹蛋x香脆魚皮，蘸皮蛋芫茜湯就夠味啦～【炸響鈴】響鈴就蘸沙爹湯底，味道香辣，正。【鮮蝦雲呑】皮薄饀靚，自家製㗎，細細粒唔
雞煲有得揀麻辣或芝士，我哋唔食得辣就揀咗芝士。芝士半溶有拉絲效果，好惹味，雞件又嫩滑，簡直係perfect match，唔夠喉仲可以免費加雞件。
任飲有竹蔗茅根，真係用材料煲出嚟唔係普通支裝飲品，大熱天時打邊爐降火啱晒。
食完雞煲可以加湯打爐，不過我哋就轉火鍋湯底，鴛鴦湯鍋+$38就有。揀咗【皮蛋芫茜湯】同【沙爹湯底】，我鍾意沙爹湯底，真係有濃濃沙爹味唔係得個鹹字。
【高級安格斯】睇相都知好食。油花分佈均勻，淥十幾秒就食得，食落油脂豐富，肉味濃郁。最重要係叫第二碟都係維持水準，唔似有啲火鍋放題第二碟就開始「走樣」。
【美國肥牛】雖然upgrade咗安格斯但都叫咗少少肥牛試吓，雖然油香冇安格斯咁重但幾肉質嫩滑，都幾唔錯喎。
【海蝦】餐廳好有心，上碟時已係係剪咗蝦鬚，唔怕「條條fing」，蝦肉鮮爽，所以不停encore。
【咸蛋炸魚皮】惹味鹹蛋x香脆魚皮，蘸皮蛋芫茜湯就夠味啦～
【炸響鈴】響鈴就蘸沙爹湯底，味道香辣，正。
【鮮蝦雲呑】皮薄饀靚，自家製㗎，細細粒唔怕食完太飽肚。
【白鱔片】好新鮮爽口，必點。
【皇帝菜】狂食肉之後梗要食啲蔬菜balance返。
整體食物質素都幾好，咁嘅價錢要encore啦。
張貼
