阿元菜市場 (科士街) (已結業)

今日無所事事，約咗女朋友去咗西區行街，唔知係咪太耐無去，感覺煥然一新，完全脱離咗舊城市咁，好先進，環境又好，座立於地鉄站斜對面有間叫阿元菜市場嘅食店，人頭湧湧，好不熱鬧，就排隊等位，入座後，睇完餐牌，女友叫咗一個沙朗牛肉現炒石頭火鍋，我就要咗頂級牛小排配十全藥膳湯，發覺原來大廳啲配料可以任食，菜嘅選擇好多，飲品要咗珍珠奶茶和茉莉綠茶，侍應先將洋葱放落石頭火鍋慢炒，跟住再放沙朗牛肉，混合炒咗一陣就食得，牛肉好冧，洋葱香甜，跟住放上湯就可以加菜落去淥，可以慢慢嘆，我嘅牛小排就等個十全藥膳湯滾，跟住放小排落去，一陣就食得，牛味濃，又夠冧，配埋碗魯肉飯梗加冇得頂，飲埋杯珍珠奶茶，簡值完美，飽擦一頓後，就搭地鉄返女友回家。