霸王川莊 (已結業)

今晚我們去咗中環嘅「霸王川莊」食晚飯！我們叫咗茶香鷄鴨戀、家常脆鱔、毛家紅燒肉、成都水煮桂花魚、奇味粒粒酥、有機蕃茄帶子濃湯、川莊酸辣湯同滋潤香菓潤喉露！茶香鷄鴨戀非常有特色，他們將鷄肉同鴨肉夾埋一齊去炸，鷄肉嫩滑，鴨肉香脆，真係帶嚟無限創意同驚喜！係本人嘅必食推介！家常脆鱔炸得非常香脆，肉質新鮮！毛家紅燒肉炆得非常入味，入口即溶，完全無油膩嘅感覺！成都水煮桂花魚雖然好辣，但魚肉非常嫩滑！有機蕃茄帶子濃湯係用有機新鮮蕃茄嘅蕃茄溶，特別鮮甜！帶子亦非常新鮮！川莊酸辣湯嘅酸辣味恰到好處，芳香濃郁！滋潤香菓潤喉露味道非常清新同埋可以有解辣嘅作用！溫馨提示：如果唔係太食得辣嘅朋友，可以喺落單時同店員講少辣！