My Ahjussi (已結業)

原本今日唸住食大餐, 但老公臨時有緊要事要做, 所以取消左。最後我自行食左個簡單午餐, 再上網搵左一間評價不錯既小店同老公食個early dinner。揀My Ahjussi 因為想食炸雞(食炸雞quota有限, 因為太熱氣, 再加上被較早前OUTDARK的炸雞嚇怕左, 失去左興趣, 幾個月之後既今日, 決定再挑戰一下, 希望可以尋找返係韓國吃過的美味)。我地點左卡邦尼煙肉泡菜意粉, 鹹蛋黃炸雞(6件)同芒果梳打。卡邦尼煙肉泡菜意粉 - 曾經聽過有韓國人好👏自豪咁講過泡菜係可以加係任何食物上面。又係喎, 泡菜同卡邦尼意粉原來都可以夾得埋, 互不衝突之餘, 泡菜既酸辣降低左卡邦尼意粉既油膩感。黃金鹹蛋炸雞(6件) - 推介必點。比OUTDARK的炸雞好味太多。外脆內軟, juicy又入味。絕對係即叫即炸, 因為真係香噴噴, 熱辣辣。鹹蛋黃醬平均咁包覆住每一件炸雞, 味道同落既份量都調教得啱啱好, 啖啖香濃惹味。芒果梳打 - 飲品要改善一下, 有輕微藥水味。老公話一定要提下既就係除左店員服務態度非常好, 親切有禮之外, 仲要好勤力, 一有時間就會周圍抹, 保持店內整潔, 連裝飾花盆都好細心