醉瓊樓飯店 (西貢街)

營業中

休息中

奀博士剛做完學術研究從祖國返港，我決定同佢洗洗塵，順便聚聚舊。歷史人當然鍾意老酒樓，所以本蟲提議重遊依間老店。四個人點一個大眾化套餐，白果豬肚湯照舊老火煲，飲完一碗又一碗；鹽焗雞當然無走雞，例必好食；再加上人人都讚不絕口梅菜扣肉，即使膽固醇再高大家都唔理得咁多。食過依三味鎮店之寶基本上餐飯都已經好完美，其他小菜則可按人數而另行斟酌，但晚我都食唔晒上。臨尾侍應專誠問我要唔要送甜品，因為再遲就送晒，咁正所謂食得唔好，我當然係卻之不恭啦！