影の鳥 (已結業)

餐廳由AK、Jer同肥仔合資，門口放咗好多應援物。餐廳光線昏暗，座位寬敞舒適，以黑灰為主，充滿格調。入座後店員會先送上每人一杯白雞湯，味道濃郁，入口順滑，好好飲🥰。一人串燒set ( $588)＊薯仔番薯豚沙律 🥗口感幼滑，值得一提嘅係薯仔沙律上面加咗魚子，鮮味十足，層次豐富，非常特別。＊刺身拼盤 🐟有鰤魚、三文魚腩，同埋赤蝦。鰤魚口感紮實，鮮味突出，三文魚同赤蝦亦非常鮮甜。＊壽司拼盤 🍣包括有黑松露海膽壽司、帆立貝壽司、雪場蟹壽司同埋吞拿魚壽司。帆立貝壽司大大粒，非常鮮甜，入口甘香; 黑松露海膽壽司都好足料，不過黑松露味稍為遮蓋左海膽嘅鮮味，不過整體而言都唔錯。＊串燒 🍢串燒係餐廳嘅黃牌！一人套餐包括有牛舌串、鹽燒雞翼、雞頸串、青椒串同埋甘筍串。所有食物全部都係即叫即燒，上到枱全部都熱辣辣同好香口。我最鍾意牛舌煙韌爽口唔羶；雞肉香口嫩滑，非常好食。 所以我叫多咗個芥末和牛串、雞軟骨串同埋燒蠔。 同樣都係非常出色。＊鹽燒金目鯛 🐠肉質鮮美，喺魚身灑上海鹽再炙燒，令到魚嘅外皮香脆，但內質軟嫩細滑👍🏻。＊大蜆味噌湯 🍲蜆同味噌嘅搭配恰到好處，濃度足夠，但唔會太鹹。＊甜品 🍡最後送上水信玄