溏串小町 (已結業)

好少寫食評第一個item就會寫甜品，但係呢個甜品，絕對夠份量令我顛覆呢一個習慣😝冇錯！係教主呀！呢個甜品索價$88，但係我覺得絕對值得，除咗教主嘅顏值之外，旁邊嘅布朗尼都非常好食😋口感充實，份量亦唔少，兩個人share絕對夠食！壽喜燒鍋～由於落雨，天氣較涼，點一個鍋可以令身體較為暖和，鍋中嘅牛肉片唔會肥膩，上枱時呈現粉紅色，非常養眼，面鍋中放入南瓜，喺坊間比較少見，粉粉甜甜的🥰唐揚炸雞～炸雞每一件嘅size都幾大，但又完全夠味，同時可以完美地保留肉汁，而炸皮亦非常薄👍🏻燒雞泡魚乾～雞泡魚乾燒到乾身之餘亦一啲都唔會硬，口感一流！