煲底海鮮火鍋料理 (已結業)

同啲同學好耐冇見，其中一個提議嚟哩度食，因為佢之前嚟過話好好味，要帶我地嚟試吓（利申我唔係鏡粉）估唔到星期四嘅夜晚都咁多人嚟食，好彩一早book咗位✌🏻由於我無睇過份menu，所以正確嘅名同價錢都唔係好記得我地分別叫咗花膠竹笙冬瓜盅湯底大嘅手切安格斯肥牛黃金炸魚皮（咸蛋黃炸魚皮）爆汁四寶丸蜜糖檸檬茶墨魚滑油炸鬼魚片、菜同餃首先講下個湯底，上到嚟我地先留意到原來係有雞😂 店員比我地影完相打卡之後會幫我地整開隻雞先，個湯真係好好味，忍唔住飲完一碗再嚟多碗，不過驚飲飽食唔落其他野，所以唯有制止一下先，最後發現雞同冬瓜多到食唔晒手切肥牛，牛肉味濃，淥幾下就食得，夠淋又唔會鞋四寶丸就分別有蝦、墨魚、雞肉同豬肉，入面包住唔同嘅餡，食嘅時候要小心燙口炸魚皮有分2隻普通同蛋黃，最好盡快食，耐咗會有啲淋，不過真係好邪惡又好好味檸檬茶都有分2款普通同蜜糖，朋友唔小心叫錯普通，我地先知有2隻，波波檸檬茶係蜜糖，唔好叫錯食到咁上下，有店員拎啲鏡仔小禮物嚟派，聽朋友講好似定期會轉，鏡粉唔好錯過