景霖正宗四川麻辣米線 (金龍商業大廈) (已結業)

今日係周圍行行下之後，就想食米線，咁岩又見到佢，於是就入咗黎食了。首先叫咗個小食，就係香口嘅雞翼，不過佢個雞本身無乜味，而面層有層辣粉，結果就好似食緊齋辣粉咁。除咗小食，當然要叫米線正餐啦。好鐘意佢大大碗，乜都有，可以一次過試晒唔同嘅餸。炸醬、酸菜令到個米線惹味，加上有豬肉、牛肉、雞肉，令到個米線好豐富一碗其實都好大，如果細食嘅可以share，再另外加啲小食咁 咁就會大家都試到唔同款嘅餸之餘又唔會太飽～推介！