重慶洪鼎火鍋 (已結業)

我本身好鍾意食麻辣火鍋，都試過好多唔同嘅麻辣火鍋！重慶洪鼎火鍋第一次試！餐廳位於地牢，環境寬敞，裝修好新淨！應該開咗冇耐！依家仲有promotion 做緊,依家做緊湯底半價或者8:30前埋單配料有七折！都吸引的！一開波揀咗湯底先因為平時我地都食開小辣，所以都冇特別為意佢有冇BB啦🙈配菜方面：佢有八款唔同嘅拼盤選擇，有海鮮類同埋肉類！我哋揀咗盛肉拼盤A，分別係有兩種唔同嘅牛肉，一款黑毛豬同羊肉！啱晒小人食又想試多啲嘅選擇😬之後嗌咗打邊爐必嗌的響鈴，即炸脆口😋仲嗌咗黑豆腐，攞嚟食麻辣湯底一流！嗌咗芝心牛丸！牛丸似係手打嘅！同埋嗌左鮮蝦水餃！蝦方面新鮮幾爽！飲品方面都做緊有折扣，Apple cider 好抵飲!同埋佢呢度呢配菜可以嗌全份同半份！啱晒小人打邊爐嘅你哋！👽👽👽👽但係留意番佢嘅小辣都辣到我飛起🤕如果唔係咁食得辣架我諗要食BB辣辣🤕