三餐冰室

營業中

休息中

有一排在這裡食足三餐，因工作關係又有一排沒有到這裡，今天同朋友行過於是又入去尋找之前嘅味道，這裡方便就腳，行完加連威老道轉個灣行多幾步就到，我最喜歡除了食物外，還有這裡嘅特色裝修，一行入去嘅信箱懷舊感覺好正！望主餐牌選了惹味椒鹽魚柳，配埋個足料紫菜湯，我就加錢選擇埋三餐樽仔奶茶，而朋友就點了新出嘅鐵板厚切梅頭豬扒配洋蔥汁，跟餐有羅宋湯及牛油多士，而飲品就係這裡特色嘅奶茶紅豆冰！最快就係支冰凍嘅樽仔奶茶，奶茶香滑茶味濃郁，最緊要少甜，夠晒香滑好味！個中式客飯一來就係惹味椒鹽魚柳，件件大小差不多，加埋碗白飯，同足料紫菜湯，椒鹽魚柳入口香脆惹味，當中還有翠玉瓜在碟內，又紅又綠，加埋炸得香口嘅金黃魚柳，真係一個唔錯嘅晚餐選擇！而鐵板厚切梅頭豬扒，真係估不到佢嘅肉質十分軟熟嫩滑，加埋切開見到充滿肉汁，入口時個種軟熟嫩滑感覺真係夠晒味道，喜歡吃肉嘅朋友推介之選！而伴碟嘅薯條亦夠粗身入口好有口感！最後追加了一法蘭西多士，切開見到西多內有一層厚厚的花生醬，入口時十分有口感，外面香脆加埋糖漿，今晚真係接近爆標了！😂水準都沒有退步，口味多選擇就係這裡嘅堅持！