Pokka Cafe (已結業)

同媽媽去食晏，本身媽媽想去小南國，不過太多人等位，所以轉去pokka餐牌的食物樣樣都好似好吸引咁，好想試牛肉稻庭，個汁好似好好味咁，最後見到隔離檯叫鐵板set lunch，終於忍唔住結果都叫左一個！媽媽就要牛油果焗海鮮飯！個鐵板一上檯都係好熱的，侍應哥哥好好人，叫我用紙掩住，又問我使唔使反埋個扒，豬肉呢d要熟d，咁唔該佢幫我反埋啦，反完之後又會主動同我介紹d汁，服務好好！個扒好味呀，無咩點「la」過，都幾有豬味，但又唔會un，尤其是有脂肪的邊位有少少「火農」，又香又稔，好好味！d汁都好夾！佢個青椒蘿蔔酸汁好好，又唔會太酸，又清清地，調起豬扒個味！伴邊芽菜都好好食！我一定會再黎呀！下次試下其他野食！不過可能又會比佢鐵板d汁吸引左去食鐵板！