大壹冰室 (已結業)

自從大壹冰室開左之後，每日lunch time都有一大堆人等位，上次係因為兩點幾過左lunch時間所以先有機會試，叫左意粉但突然隔離枱叫左個鐵板餐，好香！好有衝動好想食！最後，今日3點半左右去左，以為會無乜人、雖然不用等位，但都近乎於滿座既狀態。立即點左個期待已久既鐵板餐！個餐$56，包埋多士同埋餐湯、飲品。不足五分鐘凍奶茶已到！繼續餐湯同多士也同時到達。飲左幾啖湯之後，鐵板都黎到！真係好快！服務員比左張紙巾我擋住油，但d油最後彈到我成部電話都係不過真係好香！令人好興奮！牛肉並唔係平時pepper lunch個隻牛個肉質幾正！仲幾滑添呀！個汁都好香，不過個飯就無乜汁，但勝在於用珍珠米，d飯個質感都好好！其實呢段時間一d都唔忙，但d staff好似好趕時間甘成日衝，撞到我當無事甘，成張枱都郁埋無理由唔知撞到客人卦？都唔緊要！係我食到一半想抹一抹個嘴個陣另一位staff就想收走我個餐有無甘趕時間？出面又無人等位食物質素真係幾好但staff既質素真係有待改善。