柳氏家 (已結業)

呢間餐廳跟牛涮鍋屬同一個集團但品牌沒有其他分店，主打食韓式鐵板炒雞，午市任食90分鐘最平$98，可以享用自助區沙律吧同飲品；$118仲可以鐵板燒埋其他肉類海鮮，真係非常抵！入座後店員捧來一個大鐵板，上面有雞肉，椰菜，大蔥，年榚，另外有碟鳳爪同炒麵。店員放低張紙教導如何炒雞，亦有簡單講解。第一Round份量好多，食完根本已經半飽！鐵板雞口味入座時可以五選二，所以第二Round再黎一大盤雞，建議大家可以要淨雞，唔要菜或年糕。另一方面，有加錢就緊係要出去夾食材一齊炒！不過店員溫馨提示話因為不同食材烹調時間有別，提議食完炒雞後換另一鐵板，鋪上牛油紙比我地慢慢燒。*以上價錢是星期一至四午市時段，最貴星期五至日及公眾假期晚市，價錢分別是$148及$188。