好燒味 (已結業)

平時食燒味唔係碟上就碗上，呢間話「好燒味」就諗到如果將 Pepper Lunch 鐵板上面嘅牛肉、雞扒換咗做燒肉、叉，唔知係咩玩法呢？咁樣食燒味飯都係第一次！招牌慢煮叉燒，本身口感好鬆化，邊位微微焦燶，而家用鐵板上，香味更加撲鼻，食落更加香口。而白飯就因為鐵板加熱，部份變咗飯焦，撈埋溫泉蛋汁…大量粟米粒、芽菜，超惹味！至於隻貴妃雞髀，味道唔算太特別，雞皮仲因為鐵板嘅熱，令到黐晒底，就算刮返上嚟都有啲嚡口。