月．火鳳燒鳥 (已結業)

星期五晚放工要約朋友抖下氣，食返餐好嘅！鐵板燒加日本野，絕對啱晒我哋心意。鐵板燒未到，當然食返個刺身先啦，有拖羅、油金魚、左口魚同埋帆立貝刺身，10分新鮮，用嚟醒下胃啱晒！炆牛脷，牛脷厚切，煮得好林，食多幾舊都唔怕。櫻花蝦炸豆腐，超級好味，外面好脆身，又有櫻花蝦嘅香味，入邊嘅豆腐好嫩滑，但又唔會容易散串燒有好多款選擇，每款調味都唔錯，唔會太鹹，我最鍾意食就係醃肉蠔卷，香口得來又juicy燒紫薯粒，甜甜地暖暖地，好正！燒秋葵我就唔太鍾意食，不過朋友話都OK。燒鯖魚都係我日本料理當中其中一款至愛，外層燒得脆脆，魚肉依然唔會過老，正！