影片
更多
2021-06-06
329 瀏覽
聽朋友講呢個鐵板燒唔錯，有機會就嚟試下。餐廳間隔係一間間房咁，可坐六七個人，環境清靜，私隱度高，由一個廚師同侍應serve，感覺好似VIP貴賓咁。櫻·席前鉄板焼二人前$1080，二人嘅份量有前菜、時令沙律、時令刺身5款、銀雪魚、鐵板燒活南非鮑魚、美國牛肉薄燒、炒飯、煮野菜、湯同甜品，仲送鐵板燒活龍蝦一隻。前菜係麵豉青瓜，青瓜爽脆清甜，麵豉唔鹹，幾好味。蘆薈粒田圍野菜沙律配和風柚子醋，有蘆薈粒、粟米粒、紅腰豆、番茄仔、紅蘿蔔絲同新鮮沙律菜，柚子醋酸酸甜甜，好fresh好醒胃。時令刺身有帆立貝、金木鯛、池魚、深海池魚同鯖魚，嫩滑油潤，入口即溶，一個字鮮。銀鱈魚外表煎到金黃香脆，裡面嘅肉仲係雪白嫩滑，香草牛油味好出，魚皮廚師好有心思咁煎成“L”形，香脆可口。燒活南非鮑魚。鮑魚上枱仲係生嘅，廚師拆殼慢煎，然後切開放番上殼再上碟。見佢只係落咗小小椒鹽，但鮑魚鮮甜得嚟又有海水鹹味，肉質爽口彈牙。燒活龍蝦。將龍蝦拆肉，用本身嘅蝦膏加秘製醬汁烹調，肉厚爽彈，鮮甜美味。龍蝦頭就拎去煮龍蝦麵豉湯，味道濃郁。美國牛肉薄燒。用薄牛肉包住蔥同炸蒜煎，牛肉甘香，咬開裡面非常香同有口感。炒飯有蛋、煙肉、蔥蒜等配料，
餐廳間隔係一間間房咁，可坐六七個人，環境清靜，私隱度高，由一個廚師同侍應serve，感覺好似VIP貴賓咁。
櫻·席前鉄板焼二人前$1080，二人嘅份量有前菜、時令沙律、時令刺身5款、銀雪魚、鐵板燒活南非鮑魚、美國牛肉薄燒、炒飯、煮野菜、湯同甜品，仲送鐵板燒活龍蝦一隻。
前菜係麵豉青瓜，青瓜爽脆清甜，麵豉唔鹹，幾好味。
蘆薈粒田圍野菜沙律配和風柚子醋，有蘆薈粒、粟米粒、紅腰豆、番茄仔、紅蘿蔔絲同新鮮沙律菜，柚子醋酸酸甜甜，好fresh好醒胃。
時令刺身有帆立貝、金木鯛、池魚、深海池魚同鯖魚，嫩滑油潤，入口即溶，一個字鮮。
銀鱈魚外表煎到金黃香脆，裡面嘅肉仲係雪白嫩滑，香草牛油味好出，魚皮廚師好有心思咁煎成“L”形，香脆可口。
燒活南非鮑魚。鮑魚上枱仲係生嘅，廚師拆殼慢煎，然後切開放番上殼再上碟。見佢只係落咗小小椒鹽，但鮑魚鮮甜得嚟又有海水鹹味，肉質爽口彈牙。
燒活龍蝦。將龍蝦拆肉，用本身嘅蝦膏加秘製醬汁烹調，肉厚爽彈，鮮甜美味。龍蝦頭就拎去煮龍蝦麵豉湯，味道濃郁。
美國牛肉薄燒。用薄牛肉包住蔥同炸蒜煎，牛肉甘香，咬開裡面非常香同有口感。
炒飯有蛋、煙肉、蔥蒜等配料，唔會油冧冧，好香口。
甜品係用牛油同糖煎嘅方包，香脆可口。仲有蘋果味同朱古力味嘅蛋糕，蘋果味清甜，朱古力味就香甜。
張貼
