影片
更多
2022-11-01
213 瀏覽
又食好嘢，不過係用超值價錢，享受高級用餐。除左喺日本，都未試過喺香港食鐵板燒，所以一行入餐廳，見到L型嘅鐵板燒吧枱已經好興奮、又好期待。餐廳唔算大間，但坐位好闊落，我地嚟得早，可以坐到吧枱位，一邊食、一邊睇住廚師精心處理每一道菜，用餐感覺特別好。我呢d懶人加選擇困難症患者，當然係揀套餐啦，唔平、唔貴，要左個B餐。😄廚師會跟客人分享食材選擇及烹調技巧，有咩要求仲可以當面同廚師講，呢種用餐經驗已經值得加分。前菜：🐙芥末八爪魚，芥末唔會搶喉、攻鼻；八爪魚切成細細粒，入口爽脆。用了冰菜做裝飾，很美。生洋蔥墊底增加了味覺嘅刺激。🥚茶碗蒸面層有滑滑嘅蟹肉羹，同蒸蛋搞混進食，除左蛋香，仲有啖啖蟹肉。🍽黑松露帆立貝，特別之處係帆立貝在高湯之內上枱，湯汁係黑松露加魚湯伴混，唔只有帆立貝食，仲可以飲埋個湯，湯味鮮甜，帶有黑松露嘅香。而帆立貝挺身、大大隻，有口感之餘，鮮味與黑松露味平衡，兩者味道在口腔內交纏。🍽南非鮑魚，用了蟹肉海苔醬畫碟花，令到整體美感大增之餘，沾上鮑魚伴食又是另一翻美味。廚師還非常細心在燒鮑魚時，順道將鮑魚輕輕界開，這樣鮑魚就能夠內外火喉一致，七成熟啱啱好，保持到鮮味之餘，亦能輕易咀嚼。
除左喺日本，都未試過喺香港食鐵板燒，所以一行入餐廳，見到L型嘅鐵板燒吧枱已經好興奮、又好期待。
餐廳唔算大間，但坐位好闊落，我地嚟得早，可以坐到吧枱位，一邊食、一邊睇住廚師精心處理每一道菜，用餐感覺特別好。
我呢d懶人加選擇困難症患者，當然係揀套餐啦，唔平、唔貴，要左個B餐。😄
廚師會跟客人分享食材選擇及烹調技巧，有咩要求仲可以當面同廚師講，呢種用餐經驗已經值得加分。
前菜：🐙芥末八爪魚，芥末唔會搶喉、攻鼻；八爪魚切成細細粒，入口爽脆。用了冰菜做裝飾，很美。生洋蔥墊底增加了味覺嘅刺激。
🥚茶碗蒸面層有滑滑嘅蟹肉羹，同蒸蛋搞混進食，除左蛋香，仲有啖啖蟹肉。
🍽黑松露帆立貝，特別之處係帆立貝在高湯之內上枱，湯汁係黑松露加魚湯伴混，唔只有帆立貝食，仲可以飲埋個湯，湯味鮮甜，帶有黑松露嘅香。而帆立貝挺身、大大隻，有口感之餘，鮮味與黑松露味平衡，兩者味道在口腔內交纏。
🍽南非鮑魚，用了蟹肉海苔醬畫碟花，令到整體美感大增之餘，沾上鮑魚伴食又是另一翻美味。廚師還非常細心在燒鮑魚時，順道將鮑魚輕輕界開，這樣鮑魚就能夠內外火喉一致，七成熟啱啱好，保持到鮮味之餘，亦能輕易咀嚼。
🥩美國安格斯牛肉薄燒 +季節野菜 🍅
食之前，廚師除左問生熟度，仲會問食唔食葱蒜，原來薄燒牛會包裹着葱蒜一起燒，生菜包食得多，牛肉包還是第一次食🤭。切開牛肉，還見到微紅嘅肉色，火喉非常準確；入口除左肉香，仲有香濃嘅葱蒜味。
季節野菜配有龍珠果、日本水果蕃茄及冰菜。第一次食同聽到水果蕃茄呢樣嘢，起初仲以為自己聽錯，要侍應講多次😅呢個係絕頂好食，有車厘茄嘅質感同蕃茄香，但表皮好柔軟，同時有像士多啤梨一樣嘅香甜，真係好好食，可惜只得約1/3個，太小啦，真係唔夠喉。
海鮮炒飯 用了靜岡縣銀稚魚，細細條似白飯魚咁，整個炒飯好香，配合埋半熟蛋一起食，滋味。
🥣吸物即清湯，大蜆湯湯味雖清，但鮮甜，蜆味濃郁；在嚐甜品前，享用這個湯，能先清除之前食過嘅牛肉或炒飯嘅濃味，之後就可以更好好品嚐甜品。
🍡甜品，黑芝麻，嘩! 白芝麻，嘩嘩!🤣有人識嗎？甜品上枱時，腦海就立即浮起這個兒時玩意。白芝麻大福混入了豆沙蓉，而黑芝麻大福則混有雪糕，兩者味道截然不同，為這道晚餐畫上完美句號。
位處尖沙嘴、高質食材、環境舒適、再加埋咁好嘅服務態度，呢個價錢，絕對係性價比超高。
張貼
