明將迴轉壽司餐廳 (已結業)

不嬲老公都鐘意食佢既炸蝦卷, 因為$11/碟真係抵食, 同埋佢d 蝦係即叫即炸既.. 自從新世紀果間執左之後, 一路等到銀城廣場呢間開張.. 原來仲加埋鐵板燒添.. 佢既鐵板燒餐價錢唔貴, 由$80 ~ $2xx 都有, 視乎材料而定.. 當晚我地點左一客 肉眼扒 ($130).. 兩客炸蝦卷($11).. 一客火灸三文魚手握壽司($13)價錢: 抵食, 出面鐵板燒唔只呢個價份量: 好大份, 一人前都夠我地兩個人食(再加幾碟壽司) (一人前包括: 鴨胸薯仔沙律; 面豉湯; 炒雜菜; 牛肉(主菜); 炒飯; 雪糕; 餐茶)味道: ok, 唔係話特別好好食, 我地order 既鰻魚炒飯, d 鰻魚好腥, 其他ok 手勢: 我地坐鐵板檯, 望到師傅手勢麻麻地, 其間佢用個鏟拍鐵板上既油 (唔知佢無啦啦拍黎做乜), 彈到我周身係... 服務: 尚可, 可能人少, 所以待應反應都算快環境: 因為我地坐鐵板檯關係, 所以特別留意佢地既抽風系統, 我地坐果張檯一d 都聞唔到油煙味, 不過隔離果張檯既抽風系統就差d , 呢點有待改善.. 總結: 值得一提, 埋單時發現佢收多左兩碟壽司錢 ($22),