影片
更多
2019-06-04
668 瀏覽
好耐無鋸過扒，見到英皇駿景酒店Monkey Cafe新出那些年 · 經典懷舊餐，有鐵板鋸扒，價錢又唔貴，上星期六就過黎食lunch。樓底幾高，環境開揚，整齊乾淨，坐得好舒服，而且服務態度好好，放假黎坐下hea下都係一個唔錯既選擇。我過黎就係為左呢個鐵板餐，唔洗200蚊就有齊餐包+酥皮湯+鐵板扒+甜品+餐飲五樣野，係酒店食到呢個價錢真係抵食架喎。除左呢個餐之外，另外仲有tea set 同散叫menu。餐包烘得暖暖地，好鬆軟。酥皮湯賣相都好正，酥皮焗得漲卜卜。外皮焗到金黃色，層次夠酥脆又有牛油香，整得幾好。而個湯就係港式忌廉湯，唔算太特別但幾足料，夾埋酥皮一齊食就好襯。今次點左雜扒同魚柳大蝦，侍應會幫忙倒汁，唔洗自己郁手彈到周圍都係，服務真係幾周到。魚柳大蝦配洋蔥汁，塊魚柳都幾大塊，魚肉好嫩滑，又唔會炸得太油，大蝦都啖啖肉，幾彈牙。另一個就揀左雜扒，好多肉，配黑椒汁一流，尤其是牛扒同豬扒都醃得入味，而且鐵板煎完都唔會好乾好韌。之後就上甜品brownie，首先侍應會倒左d酒入去先。跟住就會噴火槍，會有少少著火，不過呢度環境光，有d難影，但現場睇就睇得好清楚。燒完既brownie暖暖地而又軟身
樓底幾高，環境開揚，整齊乾淨，坐得好舒服，而且服務態度好好，放假黎坐下hea下都係一個唔錯既選擇。
我過黎就係為左呢個鐵板餐，唔洗200蚊就有齊餐包+酥皮湯+鐵板扒+甜品+餐飲五樣野，係酒店食到呢個價錢真係抵食架喎。
除左呢個餐之外，另外仲有tea set 同散叫menu。
餐包烘得暖暖地，好鬆軟。
酥皮湯賣相都好正，酥皮焗得漲卜卜。
外皮焗到金黃色，層次夠酥脆又有牛油香，整得幾好。
酥皮忌廉周打湯
13 瀏覽
0 讚好
0 留言
而個湯就係港式忌廉湯，唔算太特別但幾足料，夾埋酥皮一齊食就好襯。
今次點左雜扒同魚柳大蝦，侍應會幫忙倒汁，唔洗自己郁手彈到周圍都係，服務真係幾周到。
魚柳大蝦配洋蔥汁，塊魚柳都幾大塊，魚肉好嫩滑，又唔會炸得太油，大蝦都啖啖肉，幾彈牙。
鐵板大蝦拼吉列魚柳
$138
11 瀏覽
0 讚好
0 留言
另一個就揀左雜扒，好多肉，配黑椒汁一流，尤其是牛扒同豬扒都醃得入味，而且鐵板煎完都唔會好乾好韌。
鐵板美式雜扒
$118
12 瀏覽
0 讚好
0 留言
之後就上甜品brownie，首先侍應會倒左d酒入去先。
跟住就會噴火槍，會有少少著火，不過呢度環境光，有d難影，但現場睇就睇得好清楚。
燒完既brownie暖暖地而又軟身d，朱古力味更突出。
再加上倒左d酒，中和甜味，確實係幾好食。
火焰朱古力布朗尼雪糕
13 瀏覽
0 讚好
0 留言
窩夫就無brownie 果個咁特別，但因為都係即整，所以質地都外脆內軟。
飲品就叫左黑牛同黃牛。
黑牛黑配黑，其實係可樂配朱古力雪糕，夠哂冰涼，不過飲果陣記得唔好整沉個雪糕，如果唔係會有勁多泡噴出黎
黃牛黃配黃，就係忌廉梳打配芒果雪糕，呢款而家都好少見，難得見到呢度有，就點一杯黎懷舊下喇。
張貼
