原鉄道咖啡店 (已結業)

假日係尖沙咀行下順便食飯，諗唔到食咩，上網見到呢間以日本原鉄道為主題的餐廳Hara Cafe，見幾有特色去打下卡都好。餐廳位於新港中心的日本美食橫町，位置十分方便，門面已經有架古董火車-箱根登山鉄道チキ1形，感覺好震撼，不停打卡。大約18:30去到，都要等位，但等左10分鐘到有位都好快。餐廳面積頗大，火車、控制室及月台，處處都是打卡位，都幾揼本。走進阪神電気鉄道311形的車廂，裝潢有著復古之感，感覺似頭等，屏幕播放着流動風景，恍如火車運行時欣賞沿途的風景一樣，待應有禮貌及整齊的制服，感覺不俗。餐牌，見到便當套餐廳幾吸引，大家都揀佢。牛肉照燒便當，$98。咖啡，跟餐+$20，正常水準。主食照燒牛肉，配有漬物、沙律菜、味噌湯及關東煮等，照燒牛肉份量適中，肉質鬆軟味道唔算好濃，有點似茶記的牛扒，關東煮冇年糕福袋(餐牌相有)，但有埋蛋比較飽肚。岩鹽燒三文魚便當，$88，友人的，燒三文魚好味點。吉列豚肉便當，$88，友人的。環境一流，服務幾好，食物味道普通，價格合理，因為個環境有特色有下次呢。