店小二

營業中

休息中

朋友知道我鍾意食大排檔，但係而家天氣又咁熱，所以佢今次帶咗去一間有冷氣，而且舒服乾淨既大排檔。餐廳位置好方便喺北角地鐵站B4出口一出，唔使1分鐘就到達。柚子醋玲瓏茄，蕃茄好新鮮，而且蕃茄本身竟然帶有少少甜味，而配搭埋柚子醋之後，酸酸甜甜，好開胃，而且大大碟同有好多粒。酥炸豬肉卷，呢個炸得好香脆，豬肉卷豬肉味好重，外脆內嫩，點埋醬汁更加配合。幹鍋肉鬆椰菜花煲，呢個好有鑊氣，店員拎出嚟嘅時候都仲係出晒煙，食落好香辣，不過我唔算好食得辣嘅人都覺得食到，同好食，同埋豬肉碎撈飯，簡直一流。小二獅子頭，獅子頭好入味，而且入邊好有驚喜，入邊竟然有鮑魚。花雕雞油蒸馬友，呢個蒸得啱啱好好嫩滑，魚有鮮味，花雕個酒香唔會話太重，同埋加埋雞油一齊呢個配搭好夾。總括我覺得呢間大排檔，啲食物質素都幾高，而且份量都大碟，好適合三五知己聚會。