頭檔大排檔

營業中

休息中

香港嘅大排檔而家買少見少，就算有都入晒鋪有冷氣，雖然食得舒服左，但就少左啲風味。今日放工後就同朋友黎左香車街街市樓上嘅頭檔大排檔，係少有嘅冇冷氣大排檔，雖然話冇冷氣，但有多把大風扇吹住坐落都唔會覺得熱。黎大排檔，當然要啤啤佢，本身啤酒都已經雪得夠凍，嫌未夠凍可以再叫老闆要個冰筒。唔飲酒嘅仲有各式汽水同加多寶揀。黃金蝦球($138) - 蝦球本身已經剝左殼，如果唔想整污糟手叫蝦球會好過叫海大蝦。蝦球上枱時熱辣辣，除左咸蛋黃味仲多左陣鹹味，估計係加埋蛋白落去炒。避風塘炒蜆($98) - 炒蜆好大碟，唔係得殼多肉少。哩度嘅避風塘炒蜆平出面食倒嘅辣，大約係中辣程度，好惹味好夠鑊氣，最啱用黎餸酒。黑椒薯仔牛柳粒($98) - 牛柳粒同樣好大碟，牛柳同薯仔份量一樣咁多，黑椒鹹鹹辣辣幾惹味，我鍾意濃味就覺得如果再重味啲更正。總結，雖然以大排檔黎講頭檔嘅定價唔算特別平，不過碟頭夠大份，重點係老闆好nice凡事都親力親為一腳踢，絕對冇一般老鋪唔休做嘅咀臉。