象泰 (已結業)

食泰國嘢又唔想行到去置樂咁遠，所以諗來諗去都係去返雅都的象泰，位置有點入，平時都係路過街邊見到有招牌先知有這一間泰國菜餐廳。生菜包：我鍾意食小辣嘅泰國菜其中一樣就係生菜包，將啲豬肉碎加喺新鮮嘅生菜入面，咬落去爽爽聲，豬肉碎好入味但又唔會太鹹，配上生菜味道剛剛好。泰式炒得好有鑊氣，我點了雞肉，雞肉也份量也很多，牛河炒得很乾身而且有把河粉炒散不會像有些店舖河粉還是癡在一起的。蒜蓉包有6大條，新鮮焗的，就算不用點任何醬汁燈吃也很美味，有著美味的蒜香，這個很飽肚，最好跟朋友分享。阿媽話想食魚所以點了碟明爐烏頭比佢，一上枱超級大碟，所有菜都要讓路，烏頭本身已經接近熟，再用下面嘅微火煮一陣就食得，魚肉鮮嫩唔會煮到老！阿爸就鐘意煮多一陣因為啲魚肉會更加有湯汁嘅酸辣味道，魚比想像中大條，足夠兩至三人食用。椰汁冰好解渴，有淡淡的椰子香味，瘋狂地飲幾啖已經比我飲晒。芒果沙冰內裏應該加了芒果肉用攪拌，下面的芒果冰比較傑身，可以感覺到有混合左芒果肉！媽媽點左杯青檸梳打，另外開一瓶梳打水直接加入去杯內，可以分兩至三次倒入，份量比平時搵一杯的多，啱晒喜歡飲凍野嘅阿媽。