圓山飯店 (裝修中)

哩間去諾士佛台必經嘅圓山，近來改咗名叫做圓山飯店，主打粵菜，台灣菜，海鮮等等。店內環境雅致，帶點舊式情懷，店員有禮而且好快就送上熱茶🫖哩個晚市優惠真係唔好錯過，我地揀左🦀招牌避風塘炒蟹🦀肉蟹大隻多肉無欺場，而且蟹蓋仲連住一舊舊既蟹膏😋隻蟹好新鮮，蟹肉一梳梳好鮮甜，而避風塘做法超惹味，炸蒜同辣椒既香氣不能抗拒，仲好有鑊氣🔥蟹殼都比我啜勻哂🤣🍳蚵仔煎蛋🍳少少燶邊，唔會太厚，夾雜住粒粒肥美juicy既蚵仔🦪有蛋香又有蚵仔既鮮甜😋🧊冰鎮咕嚕肉🧊乾冰效果再堆砌左菠蘿🍍同士多啤梨🍓有心機既擺盤! 主角咕嚕肉完全做到外脆內軟有肉香，哩隻鬆脆唔係度度食到👍🏻醬汁酸甜開胃，擺盤既菠蘿都係新鮮菠蘿🍍全碟清哂😋🥬豬油渣炒芥蘭🥬估唔到佢咁好心機，將芥蘭外層削去，只留有葉同中心最嫩部分，食起上黎鮮嫩無渣，亮點係加左豬油渣落去炒，炒得油潤亮澤，味道亦即刻香左10倍🌱🍠芋頭西米露🍠質感濃厚芋頭味道突出，仲有方粒芋頭同西米增添口感，啖啖都係芋頭香味，甜味恰到好處唔會有甜膩既感覺，超滿足既結尾❤️整同超中意哩餐飯，樣樣野都好有質素，無野可以挑👍🏻必會encore😋