炙・宴 (荷里活廣場)

營業中

休息中

荷里活新開日式燒肉丼飯！餐廳門外嘅豬仔同火焰非常吸睛，仲未禁堂食之前晚市經常大排長龍，環境闊落，不過開放式設計令私隱度減低。特上日本豚肉飯$112- 加$15 味增湯同迷你沙律，個人覺得特上豚肉同普通豚肉差唔多，仲多啲肥膏、薄少少，所以比較推薦食Aburi-En豚肉丼。Aburi-En豚肉丼$78- 推介！豚肉分量好多，有炭燒味道，脂肪唔會過厚，有淡淡油香味，口感爽口少少乾，性價比高！南蠻炸雞丼$78- 本身想食照燒雞肉丼，但係嗰日冇得賣，唯有叫另外一款雞肉，都有驚喜。雞肉醃得入味，炸漿調味啱啱好，唔點沙律醬食都好味，炸雞食落唔算好熱氣。推介！火炙牛舌$58- 牛舌口感非常彈牙爽口，黑椒同檸檬汁調味恰當，不過性價比略微低，如果多幾塊就好喇。番茄牛油果野菜沙律$68- 沙律菜非常新鮮，不過都係定價偏高左少少。