譚仔雲南米線 (已結業)

星期四嘅晚上，大概7:15到 ，我哋嚟咗灣仔食譚仔米線。唔使等位，但到我哋離開嘅時候，就見到都幾多人係出面等緊位。 我叫咗酸辣豬潤雞肉米線，再加凍檸蜜少冰。終於可以喺譚仔食到豬潤，因為最近呢幾次食譚仔都話冇晒豬潤，遲嚟過我哋搭枱果兩個人想叫豬潤嘅時候都已經冇晒豬潤。 譚仔酸辣豬潤雞肉米線同平時嘅水準差唔多，好好食，豬潤雞肉數量都好多！ 呢一間譚仔，等候嘅時間都要起碼10分鐘或以上，（但呢一間都唔係我等得最耐的一間，尖沙咀嗰一間譚仔我平時都要起碼等15分鐘到），所以呢一間嘅等候時間，都係可接受範圍之內。